( مبتلـﮯ بـڪـ ) للشاعر " طـآرق المحيـآس "

كيف ما تبغيني بس أزعل عليك..
إلا بزعل وأقلب الدنيا عليك..
هالدقيقة ألحين إما انك تجيني..
أو قسم بالله لا اخربها وأجيك
كيفك اتصرف ابا اشوفك تعال..
بحضنك بتنفسك بلمس يديك..
عاد أنا دقت في راسي اني أشوفك..
بلتقيك ألحين يعني بلتقيك
حس فيني ما بقت فيني مشاعر..
حس فيني الله يرحم والديك..
لو تبيني أرتجيك و آتوسل..
والله لا أتوسلك ووالله لا أرتجيك
ماشي يا عمي أنا أرجوك تكفى..
كان لي عندك قدر قول احتريك..
بأي طريقة ألحين انا ودي اشوفك..
ما بقى فيني صبر افهم ابيك
كيف ابصبر وانت في كل الزوايا..
وين ما اطالع خيالي بس فيك..
من هنا وهناك وفي كل الأماكن..
لعنبوك القلب ذايب مهتويك
وانته تتغلا وتشكي لي ظروفك..
حتى انا عندي ظروف الله يهديك
يا معيشني مابين اصبر ويمكن..
وانته تدري مالك بقلبي شريك..
يا رجاي وسوء ظني واعتقادي..
لا تردني عاد دامي مشتريك
مبتلي بك ادري اني مبتلي بك..
وادعي الله مثلي انه يبتليك..
لاتتعذر غير مقبول اعتذارك..
بلتقيك ألحين يعني بلتقيك..
يا تجيني ألحين دامه باختيارك..
أو قسم بالله لا أخربها واجيك..