بقايا جروح

سحابة حزن تأخذني على صفحة سما بغيوم

تزيد جروحي وروحي من الاحزان مدحوره

أنا امسي مثل بكره وقبل الامس مثل اليوم

اجاري رغبة الايام مع سراج طفا نوره

أنا قبلك بقايا جرح وعقبك انحرمت النوم

عطيني لو شقى وقتك ولو لحظات منثوره

تقولين الهوى كذبه رسمها خالد المحروم

يمني النفس باحلامه وحبه منتهي دوره

ظلمتيني بليالي الجرح والحجه غدت مقسوم

نصيبي غدرك وحبي غدى احلام مهجوره

هدمتي آخر آمالي وخليتي حياتي هموم

وعزفتي في جبيني الحزن على اوتار مقهوره









لشاعرها ,,