آهـاتـ ..) وحنيــــن ~~~ جديد وحصري

بسم الله الرحمن الرحيم

السلام عليكم يـ أهل الشعبي ورحمة الله وبركاته

مجرد أبيات بسيطة أصافح بها قلوبكم أتمنى أن تعجبكم

....

يا ...


إنتظرتك ياحبيبي وأنت غايب ياحنون
وش بقالي في غيابك غير دمعات وأنين
.
شوف عيني تشتكي ودموعها لاجلك تهون
بس وينك ماترد اشفيك غايب ياضنين
.
الدمع مايوقّف إلا من بعد حرق الجفون
والحياة امرار آهٍ من حياة العاشقين
.
والله إني من شتات الروح مع زود الحزون
ماعرفت الفرح في دربي وسموني حزين
.
أشتكي أوجاع "قلبي" والليالي والطعون
هي ظروفك أو ظروفي أو حياة المبتلين
.
ماعرفت "الحب" مع غيرك ولا بعدك يكون
والله إن يبقى وفايه ماتغيره السنين
.
وإن بغيت إثبات شوقي شوف نظرات العيون
وشبّك يدينك يديني تحس رعشات وحنين
.
لو تطير طيور صبري باقف بوجه الظنون
وش عليه من كلام الناس وربي هو يعين
.
أنت عصفور المحبه والفضا صدري غصون
هي مكانك ياحبيبي وأنت أدرى يارزين
.
الحياة وثابته مابين كاف وبين نون
ولايدوم إلا وجه اللهُ ربُ العالمين
.
إنتظرتك وإنتظاري ماقوى صبر وشجون
إننتظرتك إنتظرتك وأنت غايب ياحزين