** كريب معمر بالكفتة و صلصة البيشاميل **

بالنسبة للكريب كنحتاجو
نصف لتر حليب
ثلاث بيضات شوية ملحة 250غرام طحين
نخلط الكل في الخلاط ثم كندهنو المقلاة بالزبدة كلما نجيو نصبو الخليط كنحاولو نديرهم رقاق كيجيو احسن
بالنسبة للحشوة
شوية دالكفتة بصلة معدنوس والتوابل ملحة ابزار كمون تحميرة
كنشحرو البصلة مع الكفتة ثم نضيفو الربيع و التوابل نخلطو كلشي اوهالحشوة واجدة
بالنسبة لصلصة البيشاميل فهي معروفة يلاه كنزيد عليها دامة البنة اكنقلل الملحة
بالنسبة للطريقة انا مرة كنوضع الحشو فالوسط اكنزيد الصلصة اكنطويها مربعة نلصقها بصفر البيض كنقلبها على الوجه ندهنها بمطيشة الحك مخلطة مع شوية دالزبدة مدوبة اندردر عليها الفرماج محكوك اندخلها للفران او بشكل اخر كندير الحشو فالجنب كنطويها على شكل سيكار كنغمسها فالبيض ثم الشبلير اكنقليها

والان نخليكم مع الصور














بصحة و الرحة